Exodus 10
Kauphe Gimna
1Tua ciangin TOPA in Moses tungah, “Pharaoh kiangah pai in, ahang in, amaute lakah hih a piandang ka limte ka bawlbawl theih nadingin, 2na tu na tate uh tungah Egypt mite ka gimbawlzia le amaute laka limte ka bawlzia le keimah TOPA ka hilam na theih nadingun amah le a uliante’ lungsim ka khauhsak hi,” a ci hi. 3 Tua ciangin Pharaoh kiangah Moses le Aaron pai uh a ama kiangah, “Hih in TOPA Hebrew-te’ Pasian, gen ahi hi: ‘Ka mai-ah kiniamkhiat ding bangtan vei nial lai ding na hi hiam? Kei hong bia dingin ka mite paisak in. 4Amaute na paisak nop kei leh zing ciangin na gam sungah kauphe kong puak ding hi. 5Tuate in a kimu thei lo zahin lei maitang tuam ding uh hi. Tuate in na lo sung-ua po peuhmah singkungte a kipan gialpi denbaang a themte nemang ding uh hi. 6Na mite le na uliante’ innte khempeuh le Egypt mite’ innte khempeuh dim ding uh a - na pute na pate uh hih gam sunga a ten tung-ua kipan tu dong a muh ngei nai loh uh na ahi ding hi,’ ci hi,” ci-in a gen uh hi. Tua ciangin Moses kihei-in Pharaoh a nusia hi. a 7 Pharaoh’ uliante in ama kiangah, “Hih mipa ei adingin bangtan vei thang hi ding hiam? TOPA amaute Pasian bia dingin tua mite paisak in. Egypt a kisiat khit lam phawk nai lo na hi hiam?” a ci uh hi. b 8 Tua ciangin Pharaoh kiangah Moses le Aaron a paipih kik uh hi. Amah in, “Pai in, TOPA note Pasian bia un. Ahi hangin kua teng pai ding ahi hiam?” a ci hi. 9 Moses in, “Kote in ka TOPA uh kiangah pawi bawl ding ka hi manun a moi a ham, ka tanu ka tapate uh, ka tuuhon ka ganhonte uh tawh ka pai ding uh hi,” ci-in a dawng hi. 10 Pharaoh in, “Note tawh TOPA om khawm ta hen - na numei na naupangte uh tawh kong paisak leh bel! Gitloh a sawm taktak na hi uh hi. ▼▼10.10 Ahikeh kidawm un buaina in note hong ngak hi!
11Hi thei kei! Pasalte bek pai un; tu tanvei nong nget buangun TOPA va bia un,” a ci hi. Tua ciangin Pharaoh kiang pan Moses le Aaron a kihawlkhia hi. 12 Tua ciangin TOPA in Moses kiangah, “Gamsungah kauphe dim a, gialpi dengawp baang, lo-a po peuhmah a kheuh mang nadingin Egypt gam tungah na khut zankhia in,” a ci hi. d 13 Tua ciangin Moses in Egypt tungah a ciangkhut vikkhia-a, TOPA in tua ni sun tawntung le zan tawntung tua gam tungah nisuahna huih a nungsak hi. Zingsang ciangin huih in kauphe a puak hi; 14Egypt gam khempeuh dima, gam sung mun khempeuhah tampitak a om hi. A om ngei nai lo, zong a om kik nawn lo ding kauphe gimna ahi hi. 15Leilak khempeuh tuamcipin vom liang hi. Tuate in gialpi den gawp baang khempeuh - lo sunga singkung, a gah nei khempeuh a kheuh siang uh hi. Egypt gam khempeuh ah singkung le ankung hing peuhmah a om kei hi. e 16 Pharaoh in Moses le Aaron manlangin sama, “TOPA note Pasian tung le note tungah ka mawh zo hi. 17Tu-in ka mawhna khatvei hong maisak lai unla, sihgimna kei kiang pan a lakkhiat nadingin TOPA, note Pasian tungah thu ngen un,” a ci hi. f 18 Tua ciangin Moses in Pharaoh paisan a TOPA tungah thu a ngen hi. 19Tua ciangin TOPA in tua huih, nitumna huih khauhin kheka, tua in kauphete lenin San Tuipi ▼▼10.19 Hebrew ah Yam Suph; tua pen Pumpeng Tuipi
sungah a puak hi. Egypt mun khempeuh ah kauphe khat beek a sit kei hi. 20Ahi hangin TOPA in Pharaoh lungsim khauhsaka, Israel-te a paisak nuam kei hi. Khuamial Gimna
21 Tua ciangin TOPA in Moses kiangah, “Egypt ah khuamial - a kilawng thei zah a khuamial in Egypt a tuam nadingin na khut van lamah zan in,” a ci hi. 22Tua ciangin a khut van lamah vaan to-a, Egypt gam khempeuh nithum sung khuamial in a tuamcip bikbek hi. 23Kuamah in bangmah mu thei lo-a, a omna mun pan nithum sung kuamah a paikhia thei kei hi. Tua hi napi Israel-te tenna mun khempeuh khua a vak hi. h 24 Tua ciangin Pharaoh in Moses sama, “Pai un, TOPA va bia un. Na numei na naupangte uh na tonpih thei uh hi; na tuuhonte uh le na ganhonte bek uh nusia un,” a ci hi. 25 Ahi hangin Moses in, “TOPA kote Pasian tungah biakpiakna pia ding le meihal biakna pia dingin kote nong phal pelmawh kul hi. 26Ka ganhingte uh tawh zong ka pai uh kul hi; gan khecin khat zong a kinusia kei ding hi. TOPA kote Pasian, biak nadingin pawlkhat ka zang ding uh a, a mun ka tun matengun TOPA biak nadingin bang kizang lai ding hiam cih ka thei nai kei uh hi,” a ci hi. 27 Ahi hangin TOPA in Pharaoh lungsim khauhsaka, amaute pai ding a phal kei hi. 28Pharaoh in Moses kiangah, “Ka muhna ah om ke’n! Ka mai-ah hong kilak nawn peuhmah kei in! Ka mai na muh ni le na sih ni hi ding hi,” a ci hi. 29 Moses in, “Na cih bang tektekin na mai-ah kong kilaak kik nawn kei ding hi,” ci-in a dawng hi. i
Copyright information for
ZomZIV